HARAPANG NAKIPAGBARILAN? 1 pulis patay at 2 iba pa sugatan sa engkuwentro laban sa armadong grupo sa Candelaria, Quezon

Isang pulis na miyembro ng Quezon Provincial Mobile Force Company (QPMFC) ang nasawi makaraang makasagupa ang isang armadong grupo sa Sitio Pulyok, Barangay San Isidro, Candelaria, Quezon nitong Biyernes.

Dalawang iba pang pulis ang sugatan. 

Ayon sa report ng Quezon Police Provincial Office, nagsasagawa ng pagpapatrolya ang QPMFC nang makaharap at sitahin ng mga pulis ang grupo. 

Agad na nagpaputok ang armadong grupo na ikinasawi ng isang pulis.

Samantala, nitong Sabado ng umaga ay muling nagkaroon ng encounter sa pagitan ng mga pulis at armadong grupo habang nagsasagawa ang pulisya ng follow-up operation sa lugar. 

Napatay ng mga pulis ang lider ng grupo.

Narekober ng mga awtoridad ang dalawang 5.56-caliber rifle mula sa encounter site.

Patuloy pa ang hot pursuit ng mga awtoridad sa nasabing grupo.

Sangkot umano sa gawaing gun for hire at pagtutulak ng droga ang grupo o sindikato, sabi ng pulisya.

Dati na raw may kasong murder ang lider na nasawi. 

Patay ang 1 pulis at 1 suspek, habang sugatan ang 2 pang pulis matapos ang magkasunod na engkuwentro sa pagitan ng Quezon Provincial Mobile Force Company at armadong grupo sa Sitio Pulyok, Bgy. San Isidro Candelaria, Quezon, Biyernes ng gabi, Disyembre 19. pic.twitter.com/svZfqkh8Yq

— Jonathan Magistrado (@punongmhistrado) December 20, 2025